လွမ်းတေးတပုဒ် ✏ အရှင်အာစာရ

#လွမ်းတေးတပုဒ်#

အဖေ-
ရုတ်တရက်နှုတ်မဆက်ပါပဲ
ရှုပ်ပွေတဲ့လောကကြီးထဲမှာ
မျက်စိသူငယ်နားသူငယ်နဲ့
၅၈ဆိုတဲ့လက်မှတ်လေးတစ်စောင်နဲ့
မရဏရထားကြီးကိုစီးနင်းလို့
သားတို့ကိုပစ်ထားခဲ့ပြီပေါ့နော်

ရက်စက်တယ်လို့အဖေ့ကို မဆိုသာရက်ပေမယ့်
အဖေမရှိတော့လို့ အများအလယ်မှာ မျက်နှာငယ်နေရတဲ့
သားတို့ကိုအဖေမငဲ့ကွက်ဘူးလို့တော့
သားပြောချင်တယ်အဖေ

ဝေဒနာတွေကိုဟန်ဆောင်ခြင်းအပြုံးတွေနဲ့
ဖုံးကွယ်နေရပေမယ့် သတိရမိတိုင်း
အဖေ့မေတ္တာတွေကိုတမ်းတပြီး
မျက်ရည်ဝိုင်းခဲ့ရတာ ယနေ့ထက်တိုင်ပါပဲ
အဖေရယ်-------

အဖေမရှိတော့လို့ တနယ်တကျေးမှာ
အားကိုးရာမဲ့နေတဲ့အမေ့ကို
မညှာမတာမထောက်မထား
မိမိအလိုကိုသာဦးစားပေးနေတဲ့
လူသားတွေကြားက
မျက်နှာငယ်ခံနေရတဲ့
အမေနဲ့သားတို့ရဲ့အဖြစ်သနစ်ကို
အဖေတစ်ခေါက်လောက်
လာကြည့်စေချင်တယ်ဗျာ

ဒီအကြောင်းတွေကိုပြန်လည်ကာတွေမိတိုင်း
အသည်းပေါက်မတက်ခံစားရတာ
ယနေ့ထက်တိုင်ပါပဲအဖေရယ်--------

အခုဆိုရင်လေ--
အဖေအရမ်းချစ်တဲ့သားဟာ
အမေနဲ့အကိုကိုမလွဲသာလို့စွန့်ခွါ
အနေဝေးတဲ့ တနယ်တကျေးမှာ
မြတ်ဗုဒ္ဓရဲ့ဒေသနာတွေကိုသင်ယူရင်း
သာသနာ့ဝန်ထမ်း ရဟန်းတစ်ပါးတောင်
ဖြစ်နေပါပြီအဖေ
ရောက်ရာအရပ်မှာအဖေကျေနပ်နိုင်မယ်လို့
သားထင်ပါတယ်----

အဖေဖြစ်စေချင်တဲ့
သားတစ်ယောက်ဖြစ်အောင်ကြိုးစားရင်း
အဖေလည်းရောက်ရာအရပ်မှာ
သာယာချမ်းမြေ့စွာ
နေနိုင်ပါစေလို့ဆုတောင်းရင်း
မိဘလွမ်းတမ်း ဤစာကျမ်းကို
ရေးလိုက်ရပါတယ်အဖေ--

အရှင်အာစာရ ♕ နတ္တလင်း
(ခေတ္တ)ပြည်